Жетісуда Жеңіс күнін атап өтуге дайындалуда

7 мамыр күні Талдықорғанда үлкен LED-экран орнатылады. Онда Астанада өтетін мерекелік әскери парад тікелей эфирде көрсетіледі – бұл өңір тұрғындарының жалпыреспубликалық мерекеге тікелей қатысуына мүмкіндік береді.

Негізгі іс-шаралар 9 мамырда өтеді. Орталық алаңда Екінші дүниежүзілік соғыстың көзі тірі қалған ардагерлерін салтанатты құттықтау рәсімі ұйымдастырылады. Бүгінде облыста олардың саны небәрі екеу ғана. Сонымен қатар, Б.Римова атындағы Талдықорған драма театрында «Соғыстың сұрқы әйелге жат» қойылымы, концерт және әскери шатырлардың реконструкциясы жоспарланған, онда келген қонақтар нағыз сарбаз ботқасынан дәм тата алады.

Облыстық ипподромда ұлттық спорт түрлерінен жарыстар өтеді. Бұл іс-шаралар патриоттық рухты нығайтып, мәдени мұраны сақтауға бағытталған. Мерекелік күн «Соғыс жылдарының әндері» атты кешкі бағдарламамен қорытындыланады. Ол ұрпақтарды біріктіріп, халық ерлігін еске салады.