Талдықорғанда «TALDYQORGAN CUP» ашық турнирінің жеңімпаздары анықталды

Облыс орталғы Талдықорған қаласында ересектер арасында футзалдан өткен «TALDYQORGAN CUP» ашық турнирі өз мәресіне жетті.

Жыл сайын дәстүрлі түрде ұйымдастырылатын турнирге Жетісу өңірінің аудан-қалаларымен қатар Астана, Алматы және Ақтау қалаларынан, сондай-ақ Қырғыз Республикасынан жалпы саны 16 команда қатысып, өзара мықтыны анықтады.

🥇 Жарыс қорытындысы бойынша:

I орын — «SMR Eurasia» (Ақтау қаласы);
II орын — «Alsar Mansur» (Алматы қаласы);
III орын — «Qazavtojol» (Талдықорған қаласы);
IV орын — «FC Kausar» (Алакөл ауданы).

Жүлдегерлерді Талдықорған қаласының әкімі Ернат Бәзіл құттықтап, үздік командаларды марапаттады. Сондай-ақ ол аталған турнирдің алдағы уақытта да дәстүрлі түрде жалғасатынын атап өтті.

Айта кетейік, «TALDYQORGAN CUP» ашық турнирі Талдықорған қаласының дене шынықтыру және спорт бөлімі, Жетісу облысы футбол федерациясы, сондай-ақ «Байжігіт-S» ЖШС мен «Асылым-бетон-А» ЖШС демеушілігімен ұйымдастырылды. Турнирдің жалпы жүлде қоры - 4 млн.теңге.