Газ және қолдану ережелері
Тұрмыста газ баллондарын пайдалану әрқашан қауіпті. Кез келген уақытта газдың шығып кетуі мүмкін және бәледен құтыла алмайсын. Сарқан ауданында халықтың 80% - дан астамы газ баллондарын пайдаланады, ол пайдамен қатар дұрыс пайдаланбау салдарынан әрбір азаматқа нақты қауіп төндіреді.
Әркім газдың өзіне қауіпті екенін біледі, бірақ көпшілігі оны шындап қабылдамайды және оған немқұрайлықпен қарайды.
Арнайы ұйымдар мен көптеген жеке кәсіпкерлер тек табыс жолдарын табу үшін барлық қолданыстағы нормалар мен ережелерді бұза отырып, газ баллондарын тек жеке секторда ғана емес, көп қабатты құрылыс аудандарында да белсенді түрде өткізумен айналысады.
Сұйытылған газы бар баллондарды сақтау және тасымалдау үшін бейімделмеген аумақтар, ғимараттар мен автокөлік пайдаланылады, ауыстырылатын баллондарға техникалық қызмет көрсету жүргізілмейді. Толтырылатың газдың мөлшері, сапасы, қысымы бақыланбайды, бұл, өз нәтижесінде, күтпеген салдары бар жарылысқа әкелуі мүмкін.
Көзге көрінетін физикалық зақымдары бар, сынау және пайдалану мерзімі өткен баллондар көптеген жылдар бойы профилактикалық қызмет көрсетілмеген газ жабдықтарында "көп қабатты үйлердің" ішінде қолданылады - бұл көп қабатты тұрғын үйлерде болған төтенше жағдайлар мен өрттердің негізгі себептерінің бірі. Сонымен қатар, қабаттылығы екі қабаттан асатын көп қабатты үйлерде газ баллондарын пайдалануға тыйым салынатынын еске салғымыз келеді.
Жеке және көп қабатты үйлерде газ баллонын және орталықтандырылған газбен жабдықтау желілерін пайдалану кезінде өрттің пайда болуының алдын алу үшін тұрғындар келесі талаптарды сақтауы қажет:
- балалар мен осы құралдарды орнатумен таныс емес адамдарға газ құралдарын қосуға және оларды пайдалануға тыйым салынады;
- газ иісі шыққан кезінде газ аспаптарын пайдалануды тоқтату керек (өшіріңіз). Газ құбырларынан, баллондардан немесе газ аспаптарынан газдың шығу орнын анықтауды мамандар сабынды ерітіндінің (көбіктің) көмегімен ғана жүргізеді. Жарылысты болдырмау үшін отты пайдалануға қатаң тыйым салынады.
- үй-жайда газдың иісін сезгенде жарылыс болдырмау үшін сіріңкелерді, оттықтарды жағуға, электр сөндіргіштерді пайдалануға, ашық отпен немесе темекімен кіруге болмайды.
Егер газдың шығуы газ аспабындағы ашық краннан шыққан болса, оны жабу керек, бөлмені мұқият желдетіп, содан кейін ғана от жағуға болады. Газ желісінің немесе оларды пайдалану аспаптарының зақымдануы нәтижесінде газдың шығып кету жағдайында оларды пайдалануды тоқтату, үй-жайды желдету және дереу 104 телефоны арқылы авариялық газ қызметін шақыру қажет.
Газ плитасын таза ұстау, оның ластануына жол бермеу қажет. Жанарғылардың корпустары мен олардың қалпақшаларын үнемі жылы сабынды сумен жуып отыру керек.
Сарқан ауданы ТЖБ