Алматы облысының «Үздік ауыл әкімі» анықталды

«Үздік ауыл әкімі» республикалық конкурсының өңірлік кезеңі аяқталды. Конкурс қорытындысына сәйкес Алматы облысы Панфилов ауданы Айдарлы ауылдық округінің әкімі Айдар Мұратұлы Исаев жеңімпаз атанды және конкурстың республикалық кезеңіне жіберілді.

 

Аталған байқау «Рухани жаңғыру» бағдарламасы аясында ұйымдастырылып, байқауға облысымыздың 12 ауылдық округ әкімі қатысып, оның 5-і әңгімелесуге қатысты.

 

Қатысушылар іріктеудің келесі кезеңдерінен өтті: жобалық жұмысты қорғау, әкімнің қызметін халықтың бағалауы, өңірлік комиссияда әңгімелесу, сондай-ақ әлеуметтік-экономикалық көрсеткіштерге бағалау жүргізілді.

Жерлесімізге конкурстың республикалық кезеңінде сәттілік тілейміз!