Жаркент қаласында 22 наурыз – Ұлыстың Ұлы Күні, Наурыз мерекесіне арналған мерекелік шара жоғары деңгейде аталып өтті.

Жаркент қаласында 22 наурыз – Ұлыстың Ұлы Күні, Наурыз мерекесіне арналған мерекелік шара жоғары деңгейде аталып өтті. Көктемнің шуақты мерекесін қарсы алуға жиналған қала тұрғындары мен қонақтар ерекше қуаныш пен көтеріңкі көңіл-күйге бөленді. Алаң ұлттық нақыштағы сәнді безендірулермен көркейіп, қазақы дәстүр мен салт-сананың көрінісі айқын байқалды. Мерекелік бағдарлама барысында ұлттық әндер шырқалып, күмбірлеген күй орындалып, бишілер өздерінің әсем билерімен көпшіліктің ықыласына бөленді. Сондай-ақ, ақындар айтысы мен ұлттық ойындар ұйымдастырылып, көрермендерге ерекше әсер сыйлады. Ақ дастарқан жайылып, Наурыз көже таратылды, қонақтарға ізгі тілектер мен баталар берілді. Бұл шара Жаркент қаласының тұрғындары арасындағы бірлік пен ынтымақты арттырып, халқымыздың бай мәдениеті мен ұлттық дәстүрін дәріптеген маңызды оқиға болды. Наурыз мерекесі әр шаңыраққа береке, ырыс пен шаттық әкелсін. 🌸