Атамекен ауылдық округіне қарасты Атамекен ауылында округ әкімі Карбаев Ғабит Қахарманұлының ауыл тұрғындарымен кезекті кездесуі өтті.

Кездесу барысында ауылдың әлеуметтік-экономикалық дамуы, инфрақұрылымдық мәселелер, абаттандыру және санитарлық тазалық жұмыстары кеңінен талқыланды. Сонымен қатар, тұрғындар тарапынан көтерілген өзекті мәселелер мен ұсыныстар тыңдалып, оларды кезең-кезеңімен шешу жолдары қарастырылды.

Округ әкімі атқарылған жұмыстарға қысқаша тоқталып, алдағы жоспарлармен бөлісті. Кездесу ашық форматта өтіп, ауыл тұрғындары өз ой-пікірлерін еркін білдіріп, ұсыныстарын жеткізуге мүмкіндік алды.