2026 жылдың 17 ақпанда Атамекен ауылдық округіне қарасты Ынтымақ ауылында аудан әкімі Сағымбек Марат Рақымбердіұлының округ тұрғындармен кездесуі өтті.

Кездесу барысында ауылдың әлеуметтік-экономикалық дамуы, инфрақұрылымдық мәселелер, жол жөндеу, ауыз су, жарықтандыру, санитарлық тазалық және абаттандыру жұмыстары кеңінен талқыланды. Сонымен қатар, мемлекеттік бағдарламалардың орындалу барысы мен алдағы жоспарлар жөнінде ақпарат берілді.

Тұрғындар тарапынан көтерілген өзекті мәселелер мен ұсыныстар мұқият тыңдалып, олардың кезең-кезеңімен шешілу жолдары түсіндірілді. Аудан әкімі жауапты сала мамандарына нақты тапсырмалар беріп, бақылауға алынатынын атап өтті.

Кездесу ашық диалог форматында өтіп, ауыл тұрғындары көкейлеріндегі сұрақтарына нақты жауап алды.