Бейбіт Исабаев азаматтарды жеке мәселелері бойынша қабылдады

Бүгін облыс әкімі Бейбіт Исабаев азаматтарды жеке мәселелері бойынша қабылдады. Қабылдауға кірген тұрғындардың қозғаған тақырыптары негізінен мемлекеттік қордан тұрғын үй алу, денсаулық сақтау, білім гранты мәселелеріне қатысты болды, - деп хабарлайды Жетісу облысы әкімінің баспасөз қызметі.
Баспана мәселесін көтерген азаматтарға тұрғын үй бөлу функциясы өткен жылдың мамыр айынан бері «Отбасы банк» АҚ-ға берілгендігі, қазіргі жаңа талаптарға сай үй кезегіне тұру мен үй алу заңдылықтары түсіндірілді. Сол сияқты облыс әкімінің білім грантына тапсырудың жайы  да егжей-тегжейлі ұғындырылды. Ал медициналық тексеруден өту мәселесіне байланысты облыстық денсаулық сақтау басқармасының басшылығына нақты тапсырмалар берілді.

 

Жетісу облысы әкімінің баспасөз қызметі.

Фотограф: Дмитрий Ерофеев