Ілияс Жансүгіров атындағы Жетісу университетімен ҚР Еңбек және халықты әлеуметтік қорғау министрлігі Мемлекеттік еңбек инспекциясы комитетінің Жетісу облысы бойынша департаменті өзара ынтымақтастық туралы меморандумға қол қойды.

Меморандум аясында екі тарап еңбек қатынастарын реттеу саласындағы мемлекеттік саясатты жүзеге асыру, еліміздегі еңбек заңнамасының сақталуын, мемлекеттік бақылауды қамтамасыз ету, қауіпсіз еңбек жағдайлары, жұмыскерлердің құқықтары мен бостандықтарының сақталуын және қорғалуын қамтамасыз ету бойынша бірлескен шараларды жүзеге асырады.

Сонымен қатар, студенттердің практикасын тиімді ұйымдастыру, біліктілікті арттыру семинарлары, әлеуметтік сала бойынша зерттеулер жүргізуді де бірлесе атқарады.

Меморандум Ілияс Жансүгіров атындағы Жетісу университетіне еңбек қатынасын реттеу жолында жаңа мүмкіндіктерге жол ашады.