«Жақсылық жасап жарысайық!» атты қайырымдылық акциясы

Көксу ауданында «Жақсылық жасап жарысайық!» атты қайырымдылық акциясы өтті. 2026 жылдың 27 сәуірінде Халықаралық волонтерлер жылына орай Көксу ауданы Жастар ресурстық орталығының ұйымдастыруымен қайырымдылық іс-шарасы ұйымдастырылды.

Акция шеңбері бойынша Еңбекші ауылдық округі, Зылиха Тамшыбай ауылының тұрғыны, әлеуметтік көмекке мұқтаж жалғызбасты қартқа материалдық және моральдық қолдау көрсетілді. Атап айтқанда, қажетті азық-түлік өнімдері жеткізілді. Шараның негізгі міндеті — өскелең ұрпақтың бойында адамгершілік құндылықтарды қалыптастыру және әлеуметтік жауапкершілікті арттыру болып табылады.