Алғабас ауылдық округінде мемлекеттік қызметтердің сапасын арттыруға бағытталған дөңгелек үстел отырысы өтті.

Алғабас ауылдық округінде мемлекеттік қызметтердің сапасын арттыруға бағытталған дөңгелек үстел отырысы өтті.
Іс-шараға ауылдық округ әкімдігі аппаратының қызметкерлері, тиісті сала мамандары және ауыл тұрғындары қатысып, мемлекеттік қызмет көрсету саласындағы өзекті мәселелер мен оларды жетілдіру жолдары кеңінен талқыланды.
Кездесу барысында халыққа көрсетілетін қызметтердің қолжетімділігін арттыру, сапасын жақсарту, мемлекеттік қызметтерді цифрландыру, сондай-ақ тұрғындармен тиімді кері байланыс орнату мәселелеріне баса назар аударылды.
Сонымен қатар, қатысушылар тарапынан қызмет көрсету барысында туындайтын мәселелер көтеріліп, оларды шешу бойынша нақты ұсыныстар мен пікірлер айтылды. Азаматтардың құқықтарын қорғау, ашықтық пен жариялылық қағидаттарын сақтау мәселелері де күн тәртібінде болды.