ШЖҚ «Күреңбел Су» МКК директоры С. Рамазановтың төрағалығымен мекеме қызметіндегі сыбайлас жемқорлық тәуекелдерінің алдын алу және оларды болдырмау, сондай-ақ комплаенс-офицер қызметінің тиімділігін одан әрі жетілдіру мәселелері қаралды.

Жиын барысында мекеменің сыбайлас жемқорлыққа қарсы іс-қимыл бағытында атқарып жатқан жұмыстары сараланып, сыбайлас жемқорлық тәуекелдерін анықтау, бағалау және олардың алдын алу бойынша жүргізіліп жатқан шараларға талдау жасалды. Мекеме қызметкерлерінің сыбайлас жемқорлыққа қарсы заңнама талаптарын сақтау, қызметтік әдеп нормаларын ұстану, мүдделер қақтығысына жол бермеу және қызметтік міндеттерін адал әрі ашық орындау мәселелеріне ерекше назар аударылды.
Сонымен қатар, комплаенс-офицердің қызметін жетілдіру, оның сыбайлас жемқорлық тәуекелдерін анықтау және алдын алу бағытындағы жұмысын күшейту, қызметкерлер арасында сыбайлас жемқорлыққа қарсы мәдениетті қалыптастыру және құқықтық сауаттылықты арттыру бойынша түсіндіру жұмыстарын жүйелі түрде жүргізу қажеттілігі атап өтілді.
Кездесу барысында 2026 жылға арналған жұмыс жоспарына сәйкес III тоқсанда атқарылған жұмыстардың нәтижелері қаралып, жоспарланған іс-шаралардың орындалу барысы талқыланды. Атап айтқанда, сыбайлас жемқорлық тәуекелдеріне ішкі талдау жүргізу, анықталған тәуекелдерді төмендету бойынша ұсынымдарды іске асыру, қызметкерлерге сыбайлас жемқорлықтың алдын алу жөніндегі талаптарды түсіндіру және комплаенс-бағыттағы құжаттардың талапқа сәйкестігін қамтамасыз ету мәселелері бойынша ақпараттар тыңдалды.
Жиын қорытындысы бойынша мекеме қызметінде ашықтық пен есептілікті қамтамасыз ету, сыбайлас жемқорлық сипатындағы құқық бұзушылықтарға жол бермеу, ішкі бақылау тетіктерін күшейту және сыбайлас жемқорлық тәуекелдерінің алдын алу бойынша жұмысты тұрақты түрде жалғастыру жөнінде тиісті тапсырмалар берілді.
Сондай-ақ IV тоқсанға жоспарланған іс-шаралардың уақтылы әрі сапалы орындалуын қамтамасыз ету, комплаенс-офицердің жұмысын одан әрі жетілдіру және мекеме қызметкерлерінің сыбайлас жемқорлыққа қарсы талаптарды сақтау деңгейін арттыру бойынша нақты міндеттер айқындалды.