Кербұлақ аудандық аумақтық сайлау комиссиясы сайланған аудан әкіміне куәлік тапсырды

2026  жылғы 18 қаңтарда Кербұлақ ауданы активінің жиналысы өтті. Кербұлақ  ауданының аумақтық сайлау комиссиясының төрағасы Күляйза  Шакарова  сайланған әкім  Жанат Төлегенұлы Жүнісбековке  куәлік табыс етті. Кербұлақ ауданы тұрғындарының тікелей сайлауы нәтижесінде әкім лауазымына сайланған Жанат Төлегенұлы Жүнісбеков   2026  жылғы             21 қаңтардан бастап өз міндеттерін ресми түрде атқара бастады.

Жанат Жүнісбеков  1984 жылы 28 қарашада Кербұлақ ауданы Сарыөзек ауылында дүниеге келген.

Әр жылдары «Каспи Банк» АҚ-ның  кредиттік эксперті, "Фастэкс" ЖШС-нің директоры болды.  2011 жылы мемлекеттік қызметке ауысты.

Көксу ауданы  әкімі  аппаратының ұйымдастыру, мемлекеттік құқықтық және кадр жұмысы жөніндегі бөлімінің  бас маман-заңгері, Алматы облысының жер қатынастары басқармасының  бөлім басшысы, Көксу ауданының мамандырылған бөлімдерінің  басшысы болып жұмыс істеді.

Алматы облысы Балқаш ауданы әкімінің аппарат басшысы және  аудан әкімінің орынбасары  қызметтерін  атқарды

2022 жылдың қараша айынан бастап  осы уақытқа дейін  Кербұлақ ауданы әкімінің орынбасары  лауазымында болды.

"АMANAT" партиясы ұсынған.

 

Кербұлақ  ауданының

аумақтық сайлау комиссиясы