Ауыл тұрғындары қоршаған ортаны тазалауға үлес қосты. Осы шаралар Қазақстанның экологиялық жағдайын жақсартуға және қоғамды табиғатты қорғауға ынталандыруға бағытталған.

«Таза Қазақстан» акциясы — елімізде экологиялық таза орта қалыптастыру,  көгалдандыру және табиғат қорғау мәселелеріне назар аудару мақсатында ұйымдастырылатын ауқымды іс-шаралар. 5 сәуір күні ауылдық округімізде акция аясында түрлі экологиялық іс-шаралар өткізіледі, оның ішінде ағаш отырғызу, қоқыс жинау, табиғат қорғау бойынша білім беру және тұрғындарды экологиялық мәдениетке тәрбиелеу сияқты жұмыстар жасалады.