Кәлпе ауылдық мәдениет үйінде сыбайлас жемқорлыққа қарсы саясатты түсіндіру мақсатында дөңгелек үстел өтті

Жолбарыс батыр ауылдық округіне қарасты Кәлпе ауылдық мәдениет үйінде қызметкерлер арасында сыбайлас жемқорлыққа қарсы саясатты түсіндіру мақсатында дөңгелек үстел ұйымдастырылды.

Іс-шара барысында сыбайлас жемқорлықтың алдын алу, қоғамда адалдық пен ашықтық қағидаттарын қалыптастыру, сондай-ақ заң талаптарын сақтау мәселелері жан-жақты түсіндірілді. Қатысушыларға сыбайлас жемқорлыққа қарсы мәдениетті нығайтудың маңыздылығы айтылып, пікір алмасу жүргізілді.

Мұндай шаралардың негізгі мақсаты – қызметкерлер арасында құқықтық сауаттылықты арттыру, сыбайлас жемқорлықтың кез келген көріністеріне жол бермеу және қоғамда әділдік қағидаттарын орнықтыру.