Ескелді ауылдық округінде «Жасөспірім» жедел-профилактикалық іс-шарасы өткізілді

Жетісу облысы Полиция департаменті және Қаратал ауданы полиция бөлімінің тапсырмасына сәйкес, 2026 жылдың 28 ақпаны мен 2 наурызы аралығында Ескелді ауылдық округінің аумағында «Жасөспірім» жедел-профилактикалық іс-шарасы өткізілді.

Іс-шараның негізгі мақсаты — жасөспірімдер арасындағы құқық бұзушылықтардың алдын алу, кәмелетке толмағандардың құқықтары мен заңды мүдделерін қорғау, қоғамдық орындар мен көшелерде қоғамдық тәртіпті қамтамасыз ету, сондай-ақ балаларға қатысты қылмыстардың алдын алу.