📍 Ескелді ауылдық округінде құқықтық кездесу өтті

Ескелді ауылдық округінде мектеп оқушыларымен және ауыл тұрғындарымен кездесу ұйымдастырылды. Шараның негізгі мақсаты — жастар мен тұрғындардың құқықтық сауаттылығын арттыру, заңды білу мәдениетін қалыптастыру және азаматтық жауапкершілікті нығайту.

Кездесуге мемлекеттік органдардың өкілдері қатысып, құқықтық тәртіп, азаматтардың құқықтары мен міндеттері, заң бұзушылықтың алдын алу, сондай-ақ кәмелетке толмағандардың жауапкершілігі туралы түсіндіру жұмыстарын жүргізді.

Оқушылар өздерін қызықтырған сұрақтарын қойып, құқықтық мәселелер бойынша нақты жауаптар алды. Әсіресе буллингтің алдын алу, интернет қауіпсіздігі, қоғамдық тәртіп және заң алдындағы жауапкершілік тақырыптары кеңінен талқыланды.

Мұндай кездесулер жастардың белсенді, саналы және заңды құрметтейтін азамат болып қалыптасуына зор ықпал етеді.