Сіздің балаңыз не істеп жатыр?

Қаратал ауданының төтенше жағдайлар бөлімі ескертеді:
Балалардың отпен ойнауы ауыр салдарға әкелуі мүмкін. Сондықтан өрт қауіпсіздігі ережелерін сақтау өте маңызды. Балаларға сіріңке, оттық және басқа да от көздерімен ойнауға болмайтынын, электр құралдарын рұқсатсыз қоспау керек екенін түсіндіру қажет. Костерді тек ересектердің бақылауымен жағуға рұқсат етіледі. Өрт шыққан жағдайда не істеу керектігін білу де аса маңызды.

Балаларға арналған өрт қауіпсіздігі ережелері:

• Сіріңке және оттықпен ойнауға болмайды. Олар балалар қолы жетпейтін жерде сақталуы тиіс.

• Ересектерсіз от жағуға болмайды. Костер тек арнайы белгіленген орындарда және ересектердің бақылауымен жағылуы тиіс.

• Электр құралдарын ересектердің рұқсатынсыз қоспау керек (үтік, шәйнек, плита және т.б.).

• Қосылып тұрған электр құрылғыларын қараусыз қалдыруға болмайды. Үйден шығарда барлығын сөндіріңіз.

• Киімді ашық оттың немесе жылытқыштың жанында кептіруге болмайды. Бұл өртке себеп болуы мүмкін.

• Балаларды от көздері немесе электр құралдары бар бөлмелерде қараусыз қалдырмаңыз.

• Өрт шықса, тез арада үйден шығып, ересектерге немесе 101, 112 телефондары арқылы өрт сөндірушілерге хабарласыңыз.

• Өрт кезінде шкафқа немесе кереуеттің астына тығылуға болмайды. Түтіннен төмен еңбектеп, көмек шақыру керек.

• Өрт кезінде терезе мен есікті ашуға болмайды.

• Лифтті пайдалануға болмайды!

Ата-аналарға кеңес:

• Балалармен өрт қауіпсіздігі туралы үнемі әңгімелесіңіз.

• Өз үлгіңізбен қауіпсіздік ережелерін сақтауды көрсетіңіз.

• Сіріңке, оттық және басқа да қауіпті заттарды балалар қолы жетпейтін жерге қойыңыз.

• Балаларға пайдалы әрі қызықты істер табуға көмектесіңіз – бұл отпен ойнауға деген қызығушылықты төмендетеді.

• Өрт жағдайында қалай әрекет ету керектігін үйретіңіз.

• Балаларға отпен ойнау қайғылы жағдайларға әкелетінін түсіндіріңіз.

Осы қарапайым ережелерді сақтау арқылы балаларды өрттен қорғап, олардың өмірі мен денсаулығын сақтауға болады.

📍 Қаратал ауданының төтенше жағдайлар бөлімі