«Табиғатта және тұрмыста өрт қауіпсіздігі қағидалары»

Құрметті Каратал ауданының тұрғындары мен қонақтары!
Каратал ауданының төтенше жағдайлар бөлімінің қызметкерлері өрт қауіпсіздігі қағидаларын сақтау қажеттілігін ескертеді.

Өрт қауіпсіздігі қағидаларын бекіту туралы
Қазақстан Республикасы Төтенше жағдайлар министрінің 2022 жылғы 21 ақпандағы № 55 бұйрығы.
Қазақстан Республикасы Әділет министрлігінде 2022 жылғы 21 ақпанда № 26867 тіркелген.
181-тармаққа сәйкес:
Көмір жанған құрылғыларды (мангал, барбекю, гриль) келесі жерлерде орнатуға болмайды:

1. құрғақ өсімдіктер бар жерлерде;

2. ағаштардың бұтақтарының астында;

3. жанғыш материалдардан жасалған шатырлардың астында;

4. тұрғын үй ғимараттарының ішінде, сондай-ақ балкондар мен лоджияларда;

5. шаруашылық құрылыстарда, гараждарда, шатырларда, жазық төбелерде.

Сонымен қатар, Каратал ауданының ТЖБ қызметкерлері апта сайын рейдтік іс-шаралар өткізеді: саяжай алқаптарында және Қаратал өзені мен суландыру каналы бойында.

Қазақстан Республикасының Әкімшілік құқық бұзушылық туралы кодексіне сәйкес:
410-бап. Өрт қауіпсіздігі талаптарын бұзу немесе орындамау (техникалық регламенттерде белгіленген талаптарды қоспағанда):

• 410-бап, 1-бөлік – ескерту немесе айыппұл:

  • жеке тұлғаларға – 5,

  • лауазымды тұлғаларға, шағын кәсіпкерлік субъектілеріне немесе коммерциялық емес ұйымдарға – 15,

  • орта кәсіпкерлік субъектілеріне – 25,

  • ірі кәсіпкерлік субъектілеріне – 50 айлық есептік көрсеткіш (АЕК) мөлшерінде.

• 410-бап, 2-бөлік – айыппұл:

  • жеке тұлғаларға – 10,

  • лауазымды тұлғаларға, шағын кәсіпкерлік субъектілеріне немесе коммерциялық емес ұйымдарға – 20,

  • орта кәсіпкерлік субъектілеріне – 30,

  • ірі кәсіпкерлік субъектілеріне – 100 АЕК мөлшерінде.