Жаңаталап орта мектебінде "Сынып жетекшінің қызметін тиімді ұйымдастыру ерекшеліктері" тақырыбында шебер сынып ұйымдастырды.

Балпық ауылдық округіне қарасты білім беру мекемесінде «Сынып жетекшінің қызметін тиімді ұйымдастыру ерекшеліктері» тақырыбында шебер сынып ұйымдастырылды.
Шебер сынып барысында сынып жетекшінің тәрбие жұмысын жүйелі жоспарлау, оқушылармен және ата-аналармен тиімді қарым-қатынас орнату, заманауи тәрбие әдістерін қолдану жолдары кеңінен талқыланды. Қатысушылар өз тәжірибелерімен бөлісіп, сынып сағаттарын ұйымдастырудың жаңа тәсілдері мен тиімді әдістерін ортаға салды.
Іс-шара педагогтердің кәсіби шеберлігін арттыруға, тәжірибе алмасуға және тәрбие жұмысының сапасын жақсартуға бағытталды. Шебер сынып қорытындысында қатысушылар өзара пікір алмасып, ұсыныстарын білдірді.