«Ұранды ердің – ұрпағы қайсар»

7 мамыр – Отан қорғаушылар күніне орай Алмалы ауылдық кітапханашыларының ұйымдастыруымен "Ұранды ердің - ұрпағы қайсар" атты тақырыпта патриоттық сағат өткізілді.
Шара барысында оқырмандарға Қазақстан Қарулы Күштерінің құрылу тарихы мен маңызы туралы мәлімет берілді. Сондай-ақ елін қорғаған батырларымыздың ерлік істері жайлы айтылып, олардың өнегелі өмір жолдары таныстырылды.
Тақырыпқа сай кітап көрмесі ұйымдастырылып, кітапханашы оқырмандарға әскери-патриоттық тақырыптағы әдебиеттерге шолу жасады. Шара барысында оқушылар патриоттық өлеңдер оқып, өз өнерлерін көрсетті.
Сонымен қатар, қатысушылар арасында сұрақ-жауап ұйымдастырылып, олардың белсенділігі мен қызығушылығы байқалды.
Шара соңында жас ұрпақты елін сүюге, Отан алдындағы борышын адал атқаруға шақыру мақсатында тәрбиелік мәні зор қорытынды жасалды.