ҚР Еңбек және халықты әлеуметтік қорғау министрлігінде 2020 жылдың 1 қаңтарынан бастап әлеуметтік қызметтер порталы іске қосылды

ҚР Еңбек және халықты әлеуметтік қорғау министрлігінде 2020 жылдың 1 қаңтарынан бастап әлеуметтік қызметтер порталы іске қосылды.

Әлеуметтік қызметтер порталы (бұдан әрі-портал) әлеуметтік-еңбек саласының бірыңғай ақпараттық жүйесінің бөлігі болып табылады және мүгедектігі бар адамдарға тікелей жеткізушілерден оңалту құралдары мен қызметтерін өз бетінше сатып алу мүмкіндігін беретін автоматтандырылған жүйе болып табылады.

Қазіргі уақытта әлеуметтік қызметтер порталы бойынша 5 үдеріс бойынша әлеуметтік көмек көрсетіледі, олар:

* арнаулы әлеуметтік қызметтер көрсету;

* оңалтудың техникалық құралдарымен қамтамасыз ету;

* ымдау тілі маманының қызметтерін көрсету;

* жеке көмекші қызметін көрсету;

* санаторлық-курорттық емдеу қызметтерін көрсету.

Әлеуметтік қызметтер порталы мүгедектердің құқықтарын қамтамасыз ету және өмір сүру сапасын жақсарту жөніндегі ұлттық жоспарды іске асыру шеңберінде әзірленді. Мүгедектігі бар адамдар мемлекеттік мекемелерде техникалық оңалту құралдарының (бұдан әрі — ОТҚ) 55 түрінің 24-іне және арнаулы әлеуметтік қызметтерге қашықтықтан тапсырыс бере алады.

Мүгедек адамдарды оңалту құралдарымен қамтамасыз ету протездік-ортопедиялық, сурдотехникалық, тифлотехникалық және гигиеналық құралдарды, сондай-ақ кресло-арбалар беруді қамтиды. Арнайы әлеуметтік қызметтерге жеке көмекшілердің, ымдау тілі мамандарының және санаторий-курорттық емдеу қызметтері кіреді.

Портал оңалту құралдары мен қызметтеріне тең қолжетімділікті, үйден шықпай-ақ "бір терезе" арқылы уақтылы әлеуметтік көмекті, сондай-ақ жеке қажеттіліктерді, өнім берушілер, әлеуметтік қызметкерлер мен мамандар туралы мәліметтерді есепке алуды қамтамасыз етеді. Бұл адал бәсекелестікті арттыруға мүмкіндік береді және әлеуетті өнім берушілердің оңалту құралдары мен қызметтерін іске асыруға қатысуының ашықтығын қамтамасыз етеді.

Қызмет алушылар порталды өз бетінше немесе Жұмыспен қамту және әлеуметтік бағдарламалар басқармалары мен бөлімдері қызметкерлерінің көмегімен пайдалана алады.

Порталды енгізу ұсынылатын ОТҚ мен қызметтердің сапасын жақсартуға, оларды алудың мерзімдері мен атаулылығын қысқартуға, ОТҚ мен қызметтерге нақты қажеттілікті айқындауға мүмкіндік береді.

Бөлім басшысы                                                        Ж.Торебеков