Мемлекет Басшысының Жолдауын іске асыру жөніндегі шаралар туралы Ескелді ауданында кеңес өтті

Ескелді ауданында маңызды жиын өтті ✨

Бүгін Ескелді ауданының әкімі Елдос Ахметовтің төрағалығымен Мемлекет басшысы Қасым-Жомарт Тоқаевтың Қазақстан халқына Жолдауын жүзеге асыру мәселелеріне арналған актив отырысы өтті.

Жиынға аудандық мәслихат депутаттары, құқық қорғау органдары мен мемлекеттік мекемелердің басшылары, ауылдық округ әкімдері, қоғамдық кеңес мүшелері қатысты.

🔹 Отырыста Жолдауда белгіленген жеті басым міндетті іске асыру жолдары талқыланды. Атап айтқанда:
– ауданға инвестиция тарту;
– ауыл шаруашылығын қолдау;
– өңдеу өнеркәсібін дамыту;
– көлік-логистика инфрақұрылымын жетілдіру;
– тұрғын үй-коммуналдық шаруашылығын жаңғырту;
– кәсіпкерлікті қолдау;
– адами капиталды дамыту мәселелері қаралды.

🔹 Аудан әкімі Елдос Ахметов сала басшылары мен ауылдық округ әкімдеріне Мемлекет басшысының тапсырмаларын сапалы орындауды жүктеді.

#Жолдау2025 #ЕскелдіАуданы