«Абай – дана, Абай – дара» атты кітап көрмесі өтті

Ұлы ақын, ағартушы, қазақ жазба әдебиетінің негізін қалаушы Абай Құнанбайұлының туғанына 180 жыл толуына орай «Абай – дана,Абай – дара» атты кітап көрмесі «Бәйтерек» күндіз болу орталығындағы балаларға таныстырылды . Көрме барысында қатысушыларға Абай Құнанбайұлының өмірі мен шығармашылығы туралы мазмұнды видеоақпарат ұсынылып, ақынның таңдаулы өлеңдері тыңдатылды. Бұл іс-шара балалардың рухани дүниесін байытып, қазақ әдебиеті мен мәдениетіне деген қызығушылығын арттыруға бағытталды.

         Көрмеге Абайдың әр жылдары жарық көрген шығармалары, өлеңдер жинақтары, қара сөздері, сондай-ақ өміріне қатысты деректер мен иллюстрациялық материалдар қойылды.

         Іс-шараның негізгі мақсаты – ұлы тұлғаның бай мұрасын өскелең ұрпаққа кеңінен насихаттау, әдеби-мәдени танымды арттыру және ерекше балалардың танымдық қабілеттерін дамыту болып табылады.