Қоғамдық жұмыстарға тарту ...

Қоғамдық жұмыстар сотталған адамның жергілікті атқарушы органдар қоғамдық орындарда ұйымдастыратын, белгілі бір біліктілікті талап етпейтін тегiн қоғамдық пайдалы жұмыстарды орындауынан тұрады.

 Қоғамдық жұмыстар қылмыстық теріс қылықтар үшін – жиырмадан екі жүз сағатқа дейiнгі мерзімге, онша ауыр емес және ауырлығы орташа қылмыстар үшін екі жүзден бір мың екі жүз сағатқа дейінгі мерзімге белгіленеді. Қоғамдық жұмыстар сотталған адамды оларды өтеу уақыты кезінде негізгі жұмыс орны бойынша еңбек міндеттерін орындаудан босата отырып не оқудан бос уақытында күнiне төрт сағаттан асырылмай өтеледi.

Қоғамдық жұмыстардан жалтарған жағдайда, олар:

Қылмыстық теріс қылық үшін сотталғандарға – қоғамдық жұмыстардың орындалмаған төрт сағаты үшін қамаққа алудың бір тәулігі есебімен қамаққа алуға;

Қылмыс үшін сотталғандарға қоғамдық жұмыстардың орындалмаған төрт сағаты үшін бас бостандығын шектеудің немесе бас бостандығынан айырудың бір күні есебімен бас бостандығын шектеуге не бас бостандығынан айыруға ауыстырылады.

Алакөл ауданы бойынша пробация қызметі бөлімінен 2020 жылдың 12 айында  қылмыстық теріс қылықтар жасағаны  үшін 30 қоғамдық жұмысқа тартылған азаматтар есептен өтті. Есепке қойылған уақыттан бастап олар тұрғылықты жерлері бойынша қоғамдық орындарда сотпен тағайындалған жазаларын толығымен өтеді.

Жазадан жалтарып немесе қайталап құқық бұзушылық жасап жаза түрі өзгертілгендер есептен өтпеді.

Қоғамдық жұмыстарға тарту жүктi әйелдерге, үш жасқа дейiнгi жас балалары бар әйелдерге, үш жасқа дейiнгi жас балаларын жалғыз өзі тәрбиелеп отырған еркектерге, елу сегіз жастағы және ол жастан асқан әйелдерге, алпыс үш жастағы және ол жастан асқан еркектерге, бiрiншi немесе екiншi топтағы мүгедектерге, әскери қызметшілерге тағайындалмайды.

 

Алакөл аудандық ПҚБ-нің

аға инспекторы

әділет капитаны 

Андызбаев Б.Ш.