«Ерлікке тағзым – ұрпаққа үлгі» атты салтанатты іс-шара өтті

2026 жылғы 13 ақпан күні Үшарал қаласында, З.Қойшыбаева атындағы мәдениет үйі ғимаратында Кеңес әскерінің Ауғанстан жерінен шығарылған күніне орай «Ерлікке тағзым – ұрпаққа үлгі» тақырыбында салтанатты іс-шара өтті.

Іс-шараның негізгі мақсаты – жауынгер-интернационалистердің ерлігіне тағзым ету, Ауған соғысында қаза тапқан боздақтарды еске алу, өскелең ұрпаққа патриоттық тәрбие беру және тарихи жадыны сақтау болды.

Салтанатты жиынға аудан басшылығы, Ауған соғысының ардагерлері, мекеме басшылары, жастар және қала тұрғындары қатысты. Жиын барысында Ауған жерінде әскери борышын өтеген азаматтардың ерлігі мен ел алдындағы адал қызметі ерекше аталып өтті.

Аудан әкімінің орынбасары Мәулен Төлеужанов ардагерлерге алғыс білдіріп, арнайы алғыс хаттар табыстады. Сонымен қатар, патриоттық бағыттағы концерттік бағдарлама ұсынылып, қатысушыларға рухани әсер сыйлады. Іс-шара соңында естелік фотосуретке түсу рәсімі ұйымдастырылды.

Бұл тағылымды шара – ерлік пен елжандылықтың жарқын үлгісін көрсетіп, жас ұрпаққа отансүйгіштік рух беретін маңызды тәрбиелік мәні бар кездесу болды.