Алакөл ауданының әкімі Алмас Сапарғалиұлы Абдинов Ырғайты округінің тұрғындарымен кездесті

Алакөл ауданының әкімі Алмас Сапарғалиұлы Абдинов Ырғайты округінің тұрғындарымен кездесті.
Алакөл ауданының әкімі Алмас Сапарғалиұлы Абдинов Ырғайты ауылдық округінің тұрғындарымен кездесу өткізді. Кездесу барысында ауданның әлеуметтік-экономикалық дамуы, инфрақұрылымдық жобалар, білім беру және денсаулық сақтау саласындағы жетістіктер, сондай-ақ 2025 жылы атқарылған жұмыстар туралы кеңінен баяндалды. Әкім өз сөзінде ауылдық жерлерде жүзеге асқан маңызды жобаларға, соның ішінде жол жөндеу, ауызсу мәселелерін шешу, мәдени және спорттық нысандарды дамыту сияқты бағыттарға тоқталып, олардың тұрғындардың өмір сапасын жақсартудағы маңыздылығын атап өтті.

Кездесу барысында тұрғындар өз ұсыныстары мен пікірлерін білдіріп, ауылдардың әлеуметтік-экономикалық жағдайын жақсарту, еңбек жағдайларын оңтайландыру, жастар мен балалар үшін қосымша мүмкіндіктер жасау, коммуналдық мәселелерді шешу сияқты бағыттарда ойларымен бөлісті. Аудан әкімі барлық ұсыныстар мен өтініштердің мұқият қаралатынын, тұрғындардың пікірі ескерілетінін және алдағы уақытта нақты шаралар қабылданатынын жеткізді.