Алакөл ауданында Санитариялық-эпидемиологиялық қызмет мамандары күні аталып өтті

2025 жылғы 15 қыркүйекте Алакөл ауданында алғаш рет «Санитариялық-эпидемиологиялық қызмет мамандары күніне» орай мерекелік қабылдау өткізілді.

Іс-шараға аудан әкімінің орынбасары Мәулен Төлеубекұлы Төлеужанов төрағалық етіп, сала қызметкерлеріне аудан әкімінің атынан Алғыс хаттар табыстады.

Өз сөзінде Мәулен Төлеубекұлы санитариялық-эпидемиологиялық қызмет мамандарының қоғамдағы айрықша рөліне тоқталып:

«Халықтың санитариялық-эпидемиологиялық амандығын сақтау – үлкен жауапкершілікті талап ететін маңызды міндет. Сіздердің табанды еңбектеріңіз – тұрғындардың денсаулығы мен ел болашағының кепілі», – деп атап өтті.

Жиын барысында:

Алакөл аудандық санитариялық-эпидемиологиялық бақылау басқармасының мамандары,
Үшарал обаға қарсы күрес бөлімшесінің қызметкерлері,
Аудандық бактериологиялық және паразитологиялық зертхананың қызметкерлері еңбектері үшін марапатталды.

Сонымен қатар, сала ардагерлерінің үлесі ерекше атап өтіліп, жас мамандардың жаңашылдыққа негізделген жұмыстары жоғары бағаланды.

Шара соңында санитариялық-эпидемиологиялық қызмет мамандарына денсаулық, еңбектеріне табыс, отбасыларына амандық пен береке тілінді.