Egov бұрышында мемлекеттік қызметтер қолжетімді

Ауылдық әкімшілікте орналасқан өзіне-өзі қызмет көрсету eGov бұрышында тұрғындарға мемлекеттік қызметтерді электронды форматта алу мүмкіндігі қарастырылған. Бұл бұрыш азаматтардың цифрлық қызметтерді қолжетімді әрі ыңғайлы пайдалануына жағдай жасайды. eGov электрондық үкімет порталы арқылы келушілер өздеріне қажетті бірқатар анықтамалар мен мемлекеттік қызметтерді өз бетінше ала алады. Атап айтқанда, мекенжай анықтамасы, соттылықтың бар немесе жоқтығы туралы анықтама, жылжымайтын мүлікке қатысты мәліметтер, зейнетақы аударымдары туралы ақпарат және басқа да қызмет түрлері қолжетімді. Өзіне-өзі қызмет көрсету бұрышында азаматтарға порталмен жұмыс істеу тәртібі түсіндіріліп, қажет болған жағдайда жауапты мамандар тарапынан кеңес беріледі. Бұл қызмет түрі тұрғындардың уақытын үнемдеуге, кезек күтпей қажетті анықтамаларды алуға және мемлекеттік қызметтерді электронды түрде тиімді пайдалануға мүмкіндік береді.