Ауыл саябағы шие ағаштарымен көркейе түсті

Ауылымыздың саябағы маңына жақында шие ағаштары отырғызылды. Бұл игі бастама табиғатты көгалдандыру және ауыл тұрғындарына жайлы демалыс орнын қалыптастыру мақсатында жүзеге асырылды. Ағаштарды отырғызуға ауыл жастары мен еріктілер белсенді түрде атсалысты.

Шие ағаштары саябақ көркін арттырып қана қоймай, болашақта жеміс беріп, ауыл тұрғындары үшін пайдалы әрі тартымды орынға айналмақ. Табиғатты аялау мен экологиялық мәдениетті арттыру бағытындағы бұл іс-шара алдағы уақытта да жалғасын таппақ.