Салауатты өмір – жарқын болашақ кепілі

Дүниежүзілік денсаулық күніне орай ауылымызда жеңіл атлетикадан жарыс ұйымдастырылды. Іс-шараның басты мақсаты – салауатты өмір салтын насихаттау, тұрғындарды спортқа баулу және жастардың денсаулығын нығайту болды.

Жарысқа әр түрлі жас санатындағы қатысушылар белсенді түрде қатысып, өзара бақ сынасты. Бағдарлама аясында жүгіру, секіру және эстафеталық жарыстар өткізілді. Қатысушылар жоғары дайындықтарын көрсетіп, жеңіске деген жігерлері мен табандылықтарын танытты.