Алакөл ауданында «Ауыл аманаты» бағдарламасын түсіндіру бағытында арнайы жиын өтті

Алакөл ауданында «Ауыл аманаты» бағдарламасын түсіндіру бағытында арнайы жиын өтті.

Жиынды аудан әкімінің орынбасары А. Қабаев ашып, бағдарламаның ауыл тұрғындарының табысын арттыруға және кәсіпкерлікті дамытуға бағытталған маңызды бастама екенін атап өтті.

Кездесуге «Аманат» партиясының Жетісу облысы бойынша ауыл шаруашылығы кооперативтерінің үйлестірушісі Жұмаш Арыстанбек Булатқанұлы және Жетісу облысы ауыл шаруашылығы басқармасының кооперацияны дамыту және агроөнеркәсіптік кешен субъектілерін несиелендіру бөлімінің басшысы Тарыбаев Ерсін Бақбергенұлы арнайы қатысып, бағдарлама аясында берілетін жеңілдетілген несиелер, кооператив құру тәртібі және мемлекеттік қолдау тетіктері туралы жан-жақты түсіндіру жұмыстарын жүргізді.

Жиын барысында тұрғындар өздерін толғандырған сұрақтарын қойып, нақты жауаптар алды.

Дереккөз: Алакөл ауданы әкімінің ресми сайтынан алынды