«Шежіре сырлары» тарихи сағат

Кітапханада «Шежіре сырлары» тақырыбында тарихи сағат ұйымдастырылды.

Аталған шара барысында қазақ халқының шежіре дәстүрі, ата-тек тарихын білу мен сақтаудың маңызы туралы кеңінен әңгіме өрбіді.

Тарихи сағатта шежіренің ұрпақ сабақтастығын жалғаудағы рөлі, ел тарихын, ру-тайпа құрылымын танудағы орны жөнінде мәліметтер берілді. Сонымен қатар, шежіре арқылы халықтың рухани құндылықтары мен тарихи жадының сақталатыны атап өтілді.

Қатысушылар ата-баба тарихына деген қызығушылықтарын білдіріп, тарихи сағат танымдық әрі тағылымдық бағытта өтті.