Ауылымыздың абыройлы ақсақалы, көпті көрген қария Қалиев Аттыбай ақсақалдың 90 жасқа толуына орай ерекше құрмет көрсетілді.

Ауылымыздың абыройлы ақсақалы, көпті көрген қария Қалиев Аттыбай ақсақалдың  90 жасқа толуына орай ерекше құрмет көрсетілді.
Осынау айтулы мереке қарсаңында округіміздің ардагерлер кеңесінің төрағасы — Ә. Қыстаубаев, аналар кеңесінің төрайымы — М. Шотанбекова, «Майқынов» шаруа қожалығының басшысы — Е. Майқынов, сондай-ақ облыс және ауданымыздың құрметті азаматы — Б. Қапсаламов арнайы барып, ақсақалды мерейлі жасымен құттықтады.
Кездесу барысында округ әкімінің арнайы құттықтауы табысталып, қазақы дәстүрге сай иығына шапан жабылып, сый-сияпат көрсетілді. Қадірлі қарияға ақжарма тілектер айтылып, ұзақ ғұмыр, мықты денсаулық, ұрпақтарының қызығын көре беруіне ізгі ниет білдірілді.
Ғасыр жасаған ақсақалдың өнегелі өмір жолы — кейінгі ұрпаққа үлгі. Осындай асыл жандарымыз ортамызда аман болып, ауылымыздың ақ батасын беріп, елдің бірлігі мен берекесінің ұйытқысы бола берсін!