Конституциясының 30 жылдығына арналған салтанатты жиын өтті.

М. Әубәкіров атындағы орта мектептің мәжіліс залында ҚР Конституциясының 30 жылдығына арналған салтанатты жиын өтті. 🇰🇿✨

🎤 Алғашқы сөзді Ә. Әлімжанов атындағы орта мектептің мұғалімі Н. Советжанұлы алып, Ата Заңның тарихи мәні мен мемлекетіміздің дамуындағы ерекше орнын атап өтті.

👔 Кейін округ әкімі Б. Сүлейменов құттықтау сөз сөйлеп, ауылымыздың әлеуметтік-экономикалық дамуына қысқаша тоқталды. Сонымен қатар, биылғы «Жұмысшы мамандықтар жылы» аясында ауылдың өркендеуіне үлес қосып жүрген бірқатар азаматтарды Алғыс хаттармен марапаттап, естелік сый-сияпаттар табыстады. 🎁👏

🙌 Мерекелік жиын барысында ардагерлер кеңесінің төрағасы А. Шариғатов, аналар кеңесінің төрайымы М. Шотанбекова да жүрекжарды тілектерін жеткізіп, ел бірлігі мен ынтымағының маңызын ерекше атап өтті. 💐

🎶 Шара соңы мәдениет үйінің директоры Б. Уралованың ұйымдастыруымен өткен концерттік бағдарламаға жалғасты. Көрермендерге ауыл өнерпаздарымен бірге арнайы шақырылған Қабанбай ауылдық мәдениет үйінің әншілері де әсем әуендерін тарту етіп, керемет мерекелік көңіл сыйлады. 🌟

🤝 Бұл жиын ауыл тұрғындары үшін Ата Заңға деген құрметті тереңдетіп қана қоймай, бірлік пен берекенің шынайы үлгісін көрсетті.