18 наурыз – Ұлттық киім күні

Наурыз мерекесі қарсаңында Қапал ауылдық округі әкімі аппаратының мамандары ұлттық киім киіп, жұмысқа келу дәстүрін қолдауда. Бұл - халқымыздың салт-дәстүрі мен мәдени мұрасын дәріптеудің жарқын көрінісі.

Ұлттық киім - тек әдемі киім ғана емес, ол біздің тарихымызды, мәдениетімізді және рухани құндылықтарымызды айшықтайтын ерекше белгі. Оны кию арқылы біз ата-бабамыздан қалған асыл мұраға құрмет білдіріп, ұлттық құндылықтарды ұлықтаймыз.

Осындай игі бастамалар ұжым ішінде жылы әрі мерекелік атмосфера қалыптастырып, қызметкерлердің бірлігін нығайтады. Сонымен қатар жас ұрпақтың ұлттық дәстүрлерге деген қызығушылығы мен құрметін арттыруға ықпал етеді.

Ұлттық құндылықтарымызды сақтау, оны келер ұрпаққа жеткізу - баршамыздың ортақ міндетіміз.

Баршаңызды келе жатқан Ұлыстың ұлы күні - Наурыз мерекесімен құттықтаймыз! Әр шаңыраққа береке, бірлік, қуаныш пен игілік әкелсін!