Қапал ауылдық округінің тұрғындарымен кездесу

10 наурыз күні  аудан әкімі Берік Тынышбайұлы Қапал ауылдық округінің тұрғындарымен кездесу өткізді.

Кездесуге аудан прокуроры Дастан Несіпбайұлы, аудандық полиция бөлімінің басшысының орынбасары Ерлан Жұмаділұлы, сондай-ақ аудандық мекеме және бөлім басшылары қатысты.

Жиын барысында Қапал ауылдық округінің әкімі Жалғас Жарасұлы 2025 жылы округте атқарылған жұмыстар туралы баяндама жасады.

Кездесу барысында аудан әкімі Берік Тынышбайұлы ауданның әлеуметтік-экономикалық дамуына қатысты бірқатар мәселелерге тоқталып, алдағы уақытта атқарылатын жұмыстар бойынша нақты тапсырмалар берді.

Атап өту керек өткен жылы мәдениет үйі мен “Бөбек” балабақшасына ағымдағы жөндеу жұмыстары жүргізілді. Ауыл ішінде 2 шақырым арық жүйесі салынды.

Жиын соңында ауыл тұрғындары өздерін толғандырған сұрақтарын қойып, ұсыныс-пікірлерін білдірді. Көтерілген мәселелер бойынша тиісті жауаптар беріліп, кейбірі бақылауға алынды.