ВОЛОНТЕРЛІК ҚОЗҒАЛЫСТЫ ДАМЫТУ: ШЫМКЕНТТЕ МАҢЫЗДЫ БАСПАСӨЗ КОНФЕРЕНЦИЯСЫ ӨТТІ

Бүгін Шымкент қаласында «2030 жылға дейінгі волонтерлік қозғалысты дамыту тұжырымдамасын қалыптастыру» тақырыбында баспасөз конференциясы өтті.

Іс-шара барысында волонтерлікті дамытудың өзекті мәселелері талқыланып, өңірлік ерекшеліктер ескеріліп, мемлекеттік саясатты жетілдіруге бағытталған ұсыныстар қарастырылды.

🤝 Қалада волонтерлік қозғалыс қарқынды дамуда: бүгінде 7 000-ға жуық белсенді ерікті бар.

🌱 «Birgemiz» жобасы аясында экологиялық, әлеуметтік, білім беру және мәдени бағыттарда ауқымды жұмыстар жүргізілуде. «Таза Қазақстан» және «Таза Шым» акциялары арқылы мыңдаған жас қоршаған ортаны қорғауға үлес қосты.

💙 Әлеуметтік бағытта қарттар мен мұқтаж жандарға көмек көрсетіліп, қайырымдылық мәдениеті нығаюда.

📊 Жыл басынан бері 14 000-ға жуық жас волонтерлік шараларға қатысқан.

Алдағы уақытта да волонтерлік қозғалысты дамыту, жаңа жобаларды іске асыру және жастардың белсенділігін арттыру жалғасады.