Жұмыс жоспарындағы мәселерді Қоғамдық кеңес мүшелері қарады

Ағымдағы жылдың 24 шілдесінде аудан әкімдігінде Ескендір Илимисовтің төрағалығымен кеңестің кезекті отырысы өтті. Отырысқа кеңес мүшелерінен бөлек аудан әкімінің орынбасары Жаннұр Ахметов және аудандық мәслихаттың төрағасы Тахир Кадимов қатысты.

Қоғамдық кеңестің 2025 жылғы жұмыс жоспарына сәйкес, Жәнібек ауданы бойынша, мемлекеттік кірістер басқармасының басшысы Таумұрат Ғимранұлы - Жәнібек ауданы бойынша такси қызметімен айналысатын жеке кәсіпкерлер туралы баяндама жасады. Өз баяндамасында аудан бойынша 19 такси жүргізушісі кәсіпкер ретінде тіркелгенін және алты айдың ішінде бюджетке 1 000 643 теңге салық түсіргенін айтты. Сонымен қатар көп жерлестеріміздің кәсіпкер ретінде тіркелмей және заңсыз такси қызметімен айналысып жүргендіктерінде айтып өтті.

Күн тәртібіндегі екінші мәселені аудандық полиция бөлімі бастығының орынбасары, полиция подполковнигі -Жанболат Мұқашев аудандағы қылмысқа қарсы күресті нығайтудағы жұмысы туралы есебімен жалғастырды. Жанболат Мұқашев аудан бойынша жыл басынан бері 12 қылмыс тіркелгенін оның бірі мал ұрлығы мен алаяқтық қылмыстары туралы айтты. Дегенмен бұл қылмыстардың 100 пайыз ашылғанында атап өтті.

Күн тіртібіндегі үшінші мәселеге келсек, аудандық ветеринариялық станцияның бас маманы - Асель Кауенова аудан орталығындағы иесіз қалған бұралқы иттерді залалсыздандыру және оларды аулап ұстау жұмыстары туралы есебінде аудан тұрғындарының түсірген арыз-шағымдарына сәйкес 172 бас ит пен мысық ауланып жойылған.

Күн тәртібіндегі соңғы мәселе- Қазақстандағы шекаралық аймақтар туралы арнайы заң жобасын әзірлеу бағытында Қоғамдық кеңес мүшелерінен заңнамалық ұсыныстар алу турасында болды. Өз кезектерінде Қоғамдық кеңес мүшелері бірқатар пікірлерді талқылап атқарушы органдарға ұсыныстар айтып, қоғамдық кеңес отырысы қорытындыланды.