Ербол Қарашөкеев Құрылтай сайлауында дауыс берді
Жамбыл облысының әкімі Ербол Қарашөкеев Тараз қаласындағы №35 сайлау учаскесіне барып, Құрылтай сайлауында өз таңдауын жасады.
Өңір басшысы сайлаудың ел болашағы үшін маңызына тоқталып, бұл күн әр азаматтың ел тағдырына деген жауапкершілігін танытатын маңызды сәт екенін атап өтті.
– Бүгін біз тек дауыс бермейміз. Елдің болашағы алдындағы жауапкершілігімізді көрсетеміз. Қастерлі Отанымызда жүзеге асып жатқан ауқымды реформалардың берік негізі – жаңа Конституция. Ал Құрылтай – халықтың пікірін естіп, қоғам мен мемлекет арасындағы байланысты нығайтатын маңызды институт, – деді Ербол Қарашөкеев.
Сондай-ақ облыс әкімі әулиеаталықтарды сайлауға белсенді қатысып, өз азаматтық ұстанымын білдіруге шақырды.
Айта кетейік, Жамбыл облысында 520 сайлау учаскесі жұмыс істеуде. Жалпы 730 мыңнан астам жамбылдықтың дауыс беру құқығы бар.