GOV.KZ – Мемлекеттік органдардың цифрлық ресурстарының бірыңғай платформасы

Жамбыл облысының әкімі Ербол Қарашөкеев Республика күні қарсаңында қайта жаңғыртудан өткен «Тараз» теміржол вокзалының ашылу рәсіміне қатысты.

Мемлекет басшысының тапсырмасына сәйкес елімізде теміржол вокзалдарын жаңарту жұмыстары жүргізілуде. Осы бағдарлама аясында Жамбыл облысындағы Тараз, Шу, Түрксіб, Отар және Боранды станцияларындағы бес вокзалды жаңғырту көзделген. Жобалардың жалпы құны 14,1 миллиард теңгені құрайды. Оның ішінде Тараз теміржол вокзалын жаңартуға 3,4 миллиард теңгеден астам қаражат бағытталды.

Жоба аясында вокзал ғимараты, перрон, вокзал маңы алаңы және оған іргелес аумақ жаңартылды. Жолаушылардың қауіпсіздігі мен еркін қозғалысына, сапалы қызмет алуына қолайлы жағдай жасалды.

Салтанатты рәсімде облыс әкімі жаңарған вокзалдың көлік инфрақұрылымын дамытудағы маңызына тоқталып, оның қаланың іскерлік белсенділігі мен туристік тартымдылығын арттыруға ықпал ететінін атап өтті.

– Ғасырдан астам уақыт бойы ел мен өңірлерді байланыстырып келе жатқан «Тараз» теміржол вокзалы жаңа кезеңге қадам басты.

Бұл оқиғаның Республика күні қарсаңында өтуінің де мәні зор. Өйткені қуатты мемлекет сапалы жолдан, берік байланыстан, заманауи инфрақұрылымнан және азаматтарға жасалған қолайлы жағдайдан құралады

Қазақстанның кең байтақ аумағын біртұтас экономикалық кеңістікке айналдыруда теміржол айрықша рөл атқарды. Тараздың тарихы да теміржолмен тығыз байланысты. 1920 жылғы қарашада Арыс–Бішкек теміржол желісі Әулиеатаға жетті. Бұл оқиға қаланың экономикалық тынысын ашып, сауда-саттық пен өндірістің дамуына серпін берді.

1930 жылы Түркістан–Сібір магистралінің іске қосылуы Тараздың көлік жүйесіндегі орнын одан әрі нығайтты. Қала ірі теміржол торабына айналып, өңірдің экономикалық дамуына жаңа мүмкіндіктер ашылды, – деді Ербол Қарашөкеев.

Айта кетейік, вокзалдың қазіргі негізгі ғимараты 1986 жылы пайдалануға берілген. Содан бері мұнда миллиондаған жолаушыға қызмет көрсетілді.

Қазіргі таңда вокзал қыс мезгілінде тәулігіне шамамен 2,5 мың, ал жазда 3 мың жолаушыны қабылдайды. Ғимараттың жалпы сыйымдылығы – 600 адам, күту залы 200 жолаушыға арналған. Сондай-ақ вокзал тәулігіне 28-32 жолаушылар пойызына қызмет көрсетеді.

Республика күніне орай Жамбыл облысының Жуалы ауданында теміржол арқылы өтетін автожол өткелінің ашылу рәсімі өтті.

Салтанатты шараға облыс әкімі Ербол Қарашөкеев, Халық қаһарманы Бақытжан Ертаев және Қазақстанның Еңбек Ері Мұқаш Ескендіров қатысты.

Ербол Қарашөкеев Жуалы жұртшылығын ұлттық мереке – Республика күнімен құттықтап, Мемлекет басшысының тапсырмаларын орындау аясында өңірде автомобиль жолдарын жөндеу және жаңарту жұмыстары жүйелі түрде жүргізіліп жатқанын атап өтті.

Биыл жергілікті маңызы бар автомобиль жолдары мен елді мекен көшелерін жөндеуге барлық бюджет көздерінен 23,4 миллиард теңге бөлінді. Осы қаражат есебінен 73 жобаны жүзеге асыру көзделген. Жұмыстар аясында 134,6 шақырым автомобиль жолы мен бес жасанды құрылыс жөндеу және қайта жаңғыртумен қамтылады. Атап айтқанда, екі көпір мен үш теміржол өткелін салу, 5,7 шақырым көшені қайта жаңғырту және 128,9 шақырым автомобиль жолын орташа жөндеу жоспарланған.

Жыл қорытындысы бойынша жақсы және қанағаттанарлық жағдайдағы жергілікті маңызы бар автомобиль жолдарының үлесін 99 пайызға, ал елді мекендердің көше-жол желісін 91 пайызға жеткізу жоспарланып отыр.

– Бүгін осы жүйелі жұмыстың тағы бір маңызды нәтижесі – Боранды станциясындағы автокөлік өткелін ел игілігіне ұсынып отырмыз. Бұл мәселені аудан тұрғындары ұзақ уақыт бойы көтеріп келді.

Бұған дейін автокөліктердің қозғалысы үшін су өткізуге арналған темірбетон құбыр пайдаланылып келді. Алайда оның техникалық өлшемдері көлік қозғалысына қойылатын талаптарға сәйкес келмей, жүргізушілер мен тұрғындарға қолайсыздық туғызды.

Жаңа өткел осы мәселені шешіп, тұрғындардың қауіпсіз әрі кедергісіз қатынауына мүмкіндік береді. Елді мекендер арасындағы жол қатынасы жақсарып, күнделікті жүріп-тұруға қолайлы жағдай жасалады. Сонымен қатар бұл нысан ауданның аграрлық және туристік әлеуетін тиімді пайдалануға, іскерлік белсенділікті арттыруға және тұрғындардың өмір сапасын жақсартуға ықпал етеді.

Инфрақұрылым сапасы халықтың мемлекетке деген сеніміне тікелей әсер етеді. Тұрғындар көтерген мәселенің нақты шешімін табуы – мемлекеттік органдар жұмысының басты нәтижесі, – деді облыс әкімі.

Жаңа автокөлік өткелінің құрылысына 923,4 миллион теңге жұмсалды. Жобаның мердігері – «Astana Building energy company» ЖШС.

Өткелдің ұзындығы – 31 метр, биіктігі – 5,3 метр, ал жүру бөлігінің ені 8,5 метрді құрайды.

– Егемендікті сақтау, ел бірлігін нығайту, заң мен тәртіпті құрметтеу, адал еңбек ету және мемлекетіміздің дамуына үлес қосу – баршамызға ортақ міндет. Мемлекет басшысы айқындаған «Заң мен тәртіп» қағидаты қоғамдағы тұрақтылық пен әділеттіліктің негізі болса, «Адал азамат» құндылықтары отаншылдыққа, жауапкершілікке және ел игілігіне қызмет етуге үндейді, – деді Ербол Қарашөкеев.

– Осы құндылықтарды берік ұстану арқылы біз бірлігі жарасқан, болашағы баянды мемлекет қалыптастырамыз, – деді облыс әкімі.

– Бүгінгі жетістіктеріміз – ел бірлігінің, тұрақтылықтың және халқымыздың жасампаз еңбегінің жемісі. Әр азаматтың өз ісіне адал болуы, ортақ іске жауапкершілікпен қарауы, жас ұрпақты отаншылдыққа, білімге және адалдыққа тәрбиелеуі – бәрімізге жүктелген ортақ міндет. Біз ел бірлігін сақтап, адал еңбек пен жасампаздықты ту етіп, Қазақстанның өркендеуі жолында бірге еңбек ете береміз. Ата-бабадан аманат болған қасиетті жердің тұтастығын сақтау, Тәуелсіздігімізді нығайту және келер ұрпаққа қуатты мемлекет қалдыру – баршамыздың қасиетті парызымыз, – деп атап өтті Ербол Қарашөкеев.

– Күні кеше Мемлекет басшысы Қасым-Жомарт Кемелұлы Тоқаев құтқарушыларға мемлекеттік наградалар табыстап, сіздердің еңбектеріңізге жоғары баға берді. Президентіміз құтқарушыларды «бейбіт күннің батырлары» деп атап, олардың төтенше жағдай кезінде көмекке бірінші болып ұмтылатынын айтты. Бұл – қиын сәтте халықтың жанынан табылып, адам өмірін сақтап қалу жолында аянбай еңбек етіп жүрген барша құтқарушыға көрсетілген зор құрмет, – деді Ербол Қарашөкеев.

– Сіздердің еңбектеріңіз зор құрметке лайық. Қиын сәтте халықтың жанынан табылып, адам өмірін сақтау жолында аянбай қызмет ету – ерлік пен азаматтық жауапкершіліктің айқын үлгісі. Қызметтік міндеттерін адал атқарып жүрген барша құтқарушыға, азаматтық қорғау саласының қызметкерлері мен ардагерлеріне шынайы алғысымды білдіремін, – деді облыс әкімі.

Астанада Жамбыл облысы мен Ресей Федерациясының Ленинград облысы арасындағы әріптестікті нығайтуға бағытталған құжаттарға қол қойылды. Салтанатты рәсімге Жамбыл облысының әкімі Ербол Қарашөкеев пен Ленинград облысының губернаторы Александр Дрозденко қатысты.

Кездесу барысында тараптар сауда-экономикалық, инвестициялық, ғылыми-техникалық және әлеуметтік-гуманитарлық байланыстарды кеңейту мүмкіндіктерін талқылап, бірлескен жобаларды жүзеге асыру мәселелерін қарастырды.

Ербол Қарашөкеев өңіраралық байланыстарды дамытудың маңыздылығына тоқталды. Облыс әкімі Ленинград облысының өнеркәсіптік, ғылыми-техникалық және білім беру әлеуеті жоғары екенін атап өтіп, оны Жамбыл облысының келешегі зор серіктестерінің бірі ретінде бағалады.

– Ресей Федерациясының жетекші индустриялық өңірлерінің бірі саналатын Ленинград облысын өмір жолы мен кәсіби қызметі Жамбыл жерімен байланысты мемлекет қайраткерінің басқаруы біз үшін ерекше мәнге ие. Бұл жағдай өңіраралық қарым-қатынасымызға айрықша жылылық беріп, әріптестігімізді одан әрі нығайтуға берік негіз қалайды, – деді Ербол Қарашөкеев.

Кездесуде бұған дейін қол жеткізілген уағдаластықтарды нақты іске асыруға басымдық берілді.

Өңіраралық әріптестікті дамыту аясында Жамбыл облысының әкімдігі мен Ленинград облысының Үкіметі арасындағы сауда-экономикалық, ғылыми-техникалық және әлеуметтік-гуманитарлық салалардағы ынтымақтастық туралы келісімді 2026-2028 жылдары іске асыру жөніндегі іс-шаралар жоспары көзделген.

Құжатта сауда-саттықты дамыту, инвестиция тарту, өнеркәсіптік кооперация, ауыл шаруашылығы, білім беру, денсаулық сақтау, мәдениет, туризм, спорт және цифрландыруды қоса алғанда, өзара іс-қимылдың 20 бағыты қамтылған.

Ынтымақтастықтың негізгі бағыттарының бірі – инвестициялық байланысты кеңейтіп, жаңа өндіріс орындарын ашу. Осы мақсатта Ленинград облысының кәсіпорындарына «Jibek Joly» арнайы экономикалық аймағы мен «Тараз» индустриялық аймағының мүмкіндіктері таныстырылады.

Кездесу аясында «Zhambyl Invest» ЖШС мен Ресейдің «БАЛТОРГАНИК» ЖШҚ арасында ынтымақтастық туралы меморандумға қол қойылды.

Құжат Жамбыл облысында шымтезектің терең қабаттарындағы калий гуматы негізінде органикалық тыңайтқыш өндіретін зауыт салу жобасын жүзеге асыруға бағытталған.

Жобаның болжамды инвестиция көлемі – 8 млн АҚШ доллары. Қаржыландыру ресейлік компанияның өз қаражаты есебінен жүзеге асырылады деп жоспарланып отыр.

Тараптар агроөнеркәсіп кешенінде де ынтымақтастықты дамытуға мол мүмкіндік бар екенін атап өтті. Атап айтқанда, өсімдік және мал шаруашылығындағы озық технологиялар мен тәжірибе алмасу, заманауи агротехнологияларды енгізу, ауыл шаруашылығы өнімдерін терең өңдеуді дамыту және ветеринариялық қауіпсіздік саласындағы байланысты нығайту жоспарланған.

Білім беру саласындағы ынтымақтастық пен білікті мамандар даярлау мәселесіне де ерекше назар аударылды.

Осы бағытта Сосновобор политехникалық колледжі мен Жамбыл политехникалық жоғары колледжі арасында әріптестік орнату көзделген. Ынтымақтастық аясында бірлескен білім беру бағдарламаларын әзірлеп, Жамбыл облысындағы атом өнеркәсібі кәсіпорындарына қажетті мамандар даярлау жоспарланып отыр.

Сонымен қатар А.С. Пушкин атындағы Ленинград мемлекеттік университеті мен М.Х. Дулати атындағы Тараз университеті арасындағы байланыстарды дамыту көзделген. Тараптар ғылыми-практикалық тәжірибе алмасып, бірлескен семинарлар мен конференциялар өткізеді, сондай-ақ оқытушылардың тағылымдамадан өтуіне мүмкіндік жасайды.

Ынтымақтастық денсаулық сақтау, мәдениет, туризм, жастар саясаты және спорт салаларында да жалғасын табады. Жоспарға медициналық мекемелер арасында кәсіби тәжірибе алмасу, мәдени-ағартушылық бастамаларды бірлесіп жүзеге асыру, музей ісін дамыту, мәдени мұраны сақтау, сондай-ақ күрес, бокс және футболдан бірлескен жаттығулар мен спорттық жарыстар ұйымдастыру енгізілген.

– Біз үшін бүгін қол жеткізілген уағдаластықтардың нақты істермен жалғасып, ынтымақтастықтың әр бағыты мазмұнды бастамалар мен жобаларға ұласқаны маңызды. Бүгінгі кездесу Жамбыл және Ленинград облыстары арасындағы қарым-қатынасты жаңа деңгейге көтеріп, өзара сенімді нығайтып, ұзақ мерзімді әрі екі тарапқа да тиімді әріптестікті дамытуға тың серпін береді деп сенемін, – деп түйіндеді облыс әкімі.

– Мұндай үлкен аумақты басқару – зор жауапкершілік. Парктің жұмысы қағаздағы жоспармен емес, нақты нәтижемен бағалануы керек. Басты міндет – табиғи кешендерді сақтау, заңсыз әрекеттердің алдын алу және туристерге қауіпсіз жағдай жасау. Парк аумағын пайдаланатын әрбір азамат пен кәсіпкер белгіленген талаптарды орындауға тиіс, – деді облыс әкімі.

– Кәсіпорынның мүмкіндігі бар. Ендігі міндет – сол мүмкіндікті нақты өндіріске, жергілікті шаруалар үшін тұрақты өткізу нарығына және жаңа жұмыс орындарына айналдыру. Жоспарланған көрсеткіштер қағазда қалмай, өндіріс пен экспорт көлемінен көрінуі керек, – деді Ербол Қарашөкеев.

Республика күні қарсаңында Жамбыл облысында 2026 жылғы 17 қазаннан 27 қазанға дейін қоса алғанда «Republic Day» және «Bereke Fest» республикалық акциялары өтеді. Бұл күні  тұтынушыларға түрлі тауарлардың кең таңдауы төмендетілген бағамен ұсынылатын болады.

Мерекелік ұсыныстардың ең қызу кезеңі 21–27 қазан аралығына жоспарланған. Дәл осы күндері акциялардың негізгі бөлігі, арнайы бағалық ұсыныстар мен мерекелік жеңілдіктер болады. Сатып алушылар азық-түлік және азық-түлік емес тауарларды тиімді шарттармен сатып ала алады.

Жалпыреспубликалық науқанның бастамашылары - Қазақстан Республикасы Сауда және интеграция министрлігі мен жергілікті атқарушы органдар.

Акцияларды өткізу ұлттық мерекеге орайластырылған және халық үшін қажетті тауарлардың қолжетімділігін арттыруға, тұтынушылық сұранысты қолдауға әрі ішкі саудаға қосымша серпін беруге бағытталған. Отандық өндірушілердің өнімдерін өткізу мүмкіндіктерін кеңейтуге ерекше назар аударылады.

Жамбыл облысында «Republic Day» және «Bereke Fest» акцияларына қатысатын сауда нысандарының толық тізімімен және олардың мекенжайларымен төменде танысуға болады.

«Republic Day» және «Bereke Fest» республикалық акцияларына қатысатын сауда нысандарының тізімі

– Мемлекет басшысы өз Жолдауларында өңірлердің орнықты дамуы мен халықтың өмір сүру сапасын арттыруды мемлекеттік саясаттың басты басымдықтарының бірі ретінде айқындап келеді. Сондықтан жергілікті атқарушы органдардың негізгі міндеті – тұрғындардың әл-ауқатын жақсарту. Бұл бағыттағы жұмыстар барлық деңгейдегі әкімдердің үйлесімді іс-қимылы арқылы жүйелі түрде жүзеге асырылады.

 

Халық игілігі жолында атқарылған әрбір іс – қоғамдағы бірлік пен татулықтың, өзара сенім мен жауапкершіліктің нақты көрінісі. Бүгінгі жетістіктердің барлығы тұрғындардың қажырлы еңбегі мен ортақ мақсатқа жұмылған күш-жігерінің нәтижесі, – деді облыс әкімі.

– Бүгінгі таңда мемлекеттік аудиттің міндеті – тек бұзушылықтарды анықтау емес, олардың қайталануына жол бермеу және бюджет қаражатын пайдалану тиімділігін арттыру. Осы бағытта Жамбыл облысы бойынша Тексеру комиссиясы жүйелі әрі нәтижелі жұмыс жүргізіп келеді, – деді облыс әкімі.

– Бүгінде Мемлекет басшысы Қасым-Жомарт Тоқаевтың бастамасымен экономика мен әлеуметтік саланы дамытуға бағытталған ауқымды міндеттер жүзеге асырылуда. Осы орайда мемлекеттік аудит пен қаржылық бақылаудың рөлі арта түсуде. Мемлекеттік қаражаттың тиімді әрі мақсатты жұмсалуын қамтамасыз ету, қаржылық тәртіпті нығайту – аудит органдарының негізгі міндеттерінің бірі. Осы айтулы мерейтой күні Сіздерге – Тексеру комиссиясының барша қызметкеріне зор денсаулық, отбасыларыңызға амандық, еңбектеріңізге толағай табыс тілеймін! – деді Ербол Қарашөкеев.