Кеңес Одағының Батыры, Халық қаһарманы, даңқты қолбасшы Бауыржан Момышұлының 115 жылдығына орай ҚР Қорғаныс министрлігіне қарасты Сабыр Рахымов атындағы Әскери колледждің делегациясы аудан орталығы Бауыржан Момышұлы ауылына арнайы келді.

Кеңес Одағының Батыры, Халық қаһарманы, даңқты қолбасшы Бауыржан Момышұлының 115 жылдығына орай ҚР Қорғаныс министрлігіне қарасты Сабыр Рахымов атындағы Әскери колледждің делегациясы аудан орталығы Бауыржан Момышұлы ауылына арнайы келді.
Делегация мүшелері батырдың мемориалдық музейіне барып, мұражай қорындағы тарихи деректермен, құнды жәдігерлермен танысты. Батырдың ескерткішіне гүл шоқтарын қойып, тағзым етіп, рухына құрмет көрсетті.
Келесі кезекте №19 Д.Қонаев атындағы мектеп-гимназияның оқушыларымен кездесу өткізіп, батырдың ерлігі, жауынгерлік жолы және өмірлік ұстанымдары туралы әсерлі әңгіме өрбітті.