Жуалы аудандық сайлау комиссиясының ШЕШІМІ

Жуалы ауданында ауылдық округтердің әкімдерін сайлау бойынша сайлау округтерін құру туралы

 

"Қазақстан Республикасындағы сайлау туралы" Қазақстан Республикасы Конституциялық Заңының 14-бабының 6) тармақшасына, 21-бабының 4-тармағына, 22-бабына сәйкес Жуалы аудандық сайлау комиссиясы ШЕШІМ ЕТЕДІ:

1. Жуалы ауданының ауылдық округтері әкімдерін сайлау бойынша сайлау округтерін құру:

1) Боралдай ауылдық округі әкімінің – Рысбек батыр, Көлтоған, Ертай ауылдарының шекараларында Боралдай сайлау округін;

2) Қарасаз ауылдық округі әкімінің – Қарасаз, Жүрімбай, Көктас, Қарасу, Ақбастау ауылдарының шекараларында Қарасаз сайлау округін;

3) Мыңбұлақ ауылдық округі әкімінің – Талапты, Көлбастау ауылдарының шекараларында Мыңбұлақ сайлау округін;

4) Қызыларық ауылдық округі әкімінің – Алатау ауылының, Б.Момышұлы атындағы шекара заставасының, Қызыларық, Ақтөбе, Теріс-Ащыбұлақ ауылдарының, Сұрым бекетінің, №91678 әскери бөлімінің шекараларында Қызыларық сайлау округін.

2. Сайлау округтерінің тізімі, олардың шекаралары мен аумақтық сайлау комиссиясының орналасқан жері көрсетіле отырып, Жуалы аудандық сайлау комиссиясының интернет-бетінде және аудандық «Жаңа өмір-Новая жизнь» газетінде жариялансын.

 

Жуалы аудандық сайлау

комиссиясының төрағасы                               Н.Алтыбаева

Жуалы аудандық сайлау

комиссиясының хатшысы                               Б.Данияров

 

Б.Момышұлы ауылы,

2021 жылғы 25 маусым,

№11