Көру қабілеті нашар адамдарға арналған экранды оқу жүйесі

НВДА үшін қазақ тілінде синтезатор қосымшасын орнату

Қазақ тілінде синтезатор қосымшасын орнату бірнеше қарапайым қадамнан тұрады.

1-қадам – НВДА бағдарламасын және плагинді https://screenreader.tilqazyna.kz/ сайтынан жүктеп алыңыз.

2-қадам – Жүктелген қалтаның ішінен nvda_2023 бағдарламасын орнату.

3-қадам – НВДА бағдарламасы қосулы күйінде “kazakh_tts-1.nvda-addon” атауындағы жүктелген файлды ашыңыз.

4-қадам – НВДА сізден плагинді орнатуға рұқсат сұрайды, «ИӘ» деп басқаннан кейін, бағдарлама қайта жүктеледі.

5-қадам – Бағдарлама қайта жүктелгеннен кейін, НВДА қосымшасында «Параметрге» өтіңіз –(бұдан әрі) Речь – (бұдан әрі) Синтезатор изменить – тізімнен "Kazakh voices" таңдаңыз, содан кейін «ОК» және тағы бір рет «ОК» батырмасын басыңыз.

Бәрекелді, Сіз синтезаторды сәтті қостыңыз!

Таңдау үшін сізге 2 дауыс (еркек пен әйел) қолжетімді. Сондай-ақ, сіз дауыс параметрлерін (дыбыс деңгейі, жылдамдық, биіктік) реттей аласыз. Ол үшін “Категорий-Речь” мәзіріне өтіңіз.

Назар аударыңыз! Қазақ тілінің синтезаторын дұрыс пайдалану үшін Windows жүйесінің тілін қазақ тіліне орнату ұсынылады.

* Барлық сұрақтар бойынша келесі поштаға хабарласыңыз: info@tilqazyna.kz.