2026 жылдың 20 наурыз күні Ақбұлым алабындағы Ақбұлым мәдениет үйінде «Наурыз – береке бастауы» атты думанды мерекелік іс-шара жоғары деңгейде аталып өтті.

Мерекелік шара барысында ауылдағы мекемелер қазақ халқының түрлі салт-дәстүрлерінен көріністер ұсынып, көпшілікке рухани тәрбие мен ұлттық құндылықтарды насихаттады.
Сонымен қатар, ұлттық ойындар ойнатылып, көрермендерге көтеріңкі көңіл-күй сыйлады.
Мәдениет үйінің үйірме жетекшілерінің аналары «Бауырсақ пати» ұйымдастырып, ұлттық тағамның дәмін көпшілікке ұсынды.
Ауылдағы қолөнершілер өздерінің қолынан шыққан бұйымдарын көрмеге қойып, өнерлерін паш етті.
Сондай-ақ, ауылымыздағы түрік ұлтының өкілдері өздерінің ұлттық тағамдарынан арнайы көрме ұйымдастырып, мерекенің сәнін арттыра түсті. Ауыл аналары қазақтың дәстүрлі «Алтыбақан» әндерін шырқап (немесе «ауылдың алты ауызын» айтып), мерекеге ерекше көрік берді.
Шара соңында ауыл ақсақалдары алқасы мерекеге белсене қатысқан барлық мекемелер мен қолөнершілерге алғыс білдіріп, сый-сияпаттар табыстады. Концерттік бағдарлама мазмұнды әрі жоғары деңгейде өтті.
Кеш барысында түрлі салт-дәстүрлер, оның ішінде ұмыт бола бастаған көне дәстүрлер сахналанып, әсем әндер орындалды.
Наурыз мерекесі ауыл тұрғындарына ерекше қуаныш пен береке сыйлаған тағылымды кеш ретінде есте қалды.