Комиссия отырысы өтті

Жамбыл ауданы кәмелетке толмағандардың істері және олардың құқықтарын қорғау жөніндегі комиссия төрағасы Махпал Сатыбалдықызы Досымбекованың төрағалығымен кезекті комиссия отырысы өтті. Күн тәртібінде Өрнек ауылындағы «жайсыз» отбасының жағдайын қарап, балалардың құқықтары мен қауіпсіздігін қамтамасыз ету бойынша бірқатар шара қабылдады.

Атап айтқанда, балалардың қауіпсіздігі қамтамасыз етіліп, ата-аналарға қатысты ҚР ӘҚБтК-нің 127 бабына сәйкес жауапкершілігі қаралып, құқықтық және әлеуметтік шаралар белгіленді, кәмелетке толмаған балаларға психологиялық және медициналық көмек көрсету тапсырылды. Тиісті органдарға балалардың оқуын, тәрбиесін және әлеуметтік бейімделуін қамтамасыз ету, сондай-ақ отбасының жағдайына тұрақты мониторинг жүргізу міндеттелді.

Комиссия балалардың мүддесі бірінші орында екенін және олардың құқықтарын қорғау бойынша жұмыстар жалғасатынын мәлімдеді.