Аудан әкімі Азия чемпионын құттықтады

Аудан әкімі Ерлан Қыдыралыұлы Таэквандодан ҚР спорт шебері жуырда ғана Малайзия елі Кучинг қаласында Таэквандодон өткен Азия чемпионатында қарсылас біткенді қапы қалдырып, бірінші орын иеленген №12 балалар-жасөспірімдер спорт мектебінің спортшысы Айым Серікбаеваны қабылдап, жарқын жеңісімен құттықтады.

Аудан басшысы:
– Еліміздің атын сонау Малайзия мемлекетінде танытып, көк байрағымызды көкке көтеріп, жеңіспен оралуыңмен шын жүректен құттықтаймын. Бұл өзіңнің талай жылғы еңбегіңнің, Отанға, спортқа деген сүйіспеншілігіңнің жемісі екені даусыз. Алда әлі талай өтетін байрақты бәсекеде сәттілік жолдас болсын. Біз өзіңмен – мақтанамыз. Сонымен қатар жеңіс тұғырынан көрінуге себепші болған, ата-анаң және жаттықтырушың – Еркебұлан Ермекалиевтің де бұл жүлдеге қосқан үлесі орасан екені белгілі. Жеңістеріміз көп болсын, – деген Ерлан Қыдыралыұлы Алғыс хатын табыс етіп, сый-сияпатын ұсынды.

Ізгі тілектер легін аудандық Қоғамдық кеңестің Рүстем Бегалиев, аудандық Мәслихат төрағасы Мұхтар Шайдаев, аудан әкімінің орынбасары Махпал Досымбекова да білдірді.

Өз кезегінде Айым Оралбекқызы елеп-ескерген аудан басшысына алғысын білдірді.