Сыбайлас жемқорлыққа қарсы дөңгелек үстел өтті

Жамбыл облысы әкімдігінің ветеринария басқармасында сыбайлас жемқорлыққа қарсы іс-қимыл мәселелеріне арналған дөңгелек үстел отырысы ұйымдастырылды. Аталған іс-шараның негізгі мақсаты – мемлекеттік қызметшілер арасында сыбайлас жемқорлыққа қарсы заңнаманың талаптарын жан-жақты түсіндіру, құқықтық мәдениетті арттыру, сондай-ақ сыбайлас жемқорлық құқық бұзушылықтарының алдын алу шараларын күшейту болып табылады.

Іс-шара барысында қатысушыларға Қазақстан Республикасының сыбайлас жемқорлыққа қарсы іс-қимыл саласындағы қолданыстағы заңнамаларының негізгі нормалары түсіндіріліп, мемлекеттік қызметшілердің қызметтік міндеттерін адал әрі сапалы орындауының маңыздылығы атап өтілді. Сонымен қатар, қызметтік әдеп қағидаларын сақтау, мемлекеттік қызметтің беделін арттыру, қоғам сенімін нығайту мәселелеріне ерекше назар аударылды.

Дөңгелек үстел барысында сыбайлас жемқорлық тәуекелдерін анықтау және оларды жою тетіктері, мемлекеттік қызметшілердің жауапкершілігі, мүдделер қақтығысын болдырмау, сондай-ақ ашықтық пен жариялылық қағидаттарын қамтамасыз ету бағыттары кеңінен талқыланды. Қатысушылар өзара пікір алмасып, тәжірибелік ұсыныстарын ортаға салды.

Сонымен қатар, сыбайлас жемқорлықтың алдын алу мақсатында ішкі бақылау жүйесін жетілдіру, қызметтік тәртіпті күшейту, азаматтармен кері байланысты тиімді ұйымдастыру қажеттігі айтылды. Мемлекеттік қызметшілердің кәсіби әдеп нормаларын сақтау арқылы мемлекеттік қызметтің сапасын арттыру және заң талаптарын бұлжытпай орындау – басты міндеттердің бірі екендігі атап өтілді.

Іс-шара қорытындысы бойынша қатысушылар сыбайлас жемқорлыққа қарсы саясатты жүйелі түрде іске асырудың маңыздылығын атап өтіп, алдағы уақытта да түсіндіру жұмыстарын жалғастыру, алдын алу шараларын күшейту және заң талаптарын қатаң сақтау бағытында бірлесіп жұмыс жүргізуге дайын екендіктерін білдірді.