Кезекті жеке қабылдау өтті.

Жеке қабылдау барысында азаматтар өздерін толғандыратын бірқатар өзекті мәселелерді көтерді. Атап айтқанда, көшелерде қаңғыбас иттердің көбеюі, олардың адам өмірі мен қауіпсіздігіне төндіретін қауіп-қатері, облыс аумағындағы өлекселер тасталатын арнайы шұңқырлардың жағдайы мен санитарлық талаптарға сәйкестігі жайлы айтылды.

Сонымен қатар, азаматтар тарапынан сырттан тасымалданатын малды бақылау, олардың ветеринариялық құжаттарының дұрыстығы, сондай-ақ мал сою алаңдарының қызметін тұрақты тексеру қажеттілігі жөнінде ұсыныстар талқыланды.

Басқарма басшысы әрбір мәселе бойынша тиісті түсініктемелер беріп, көтерілген сұрақтардың шешімін табу үшін қажетті шаралар қабылданатынын атап өтті.