«Анаға тағзым» орталығында биыл екінші рет «Үкілі кәмшат» облыстық тігіншілер байқауы өтті. Байқау аясында он саусағынан өнер тамған өңірдің ісмер қыз-келіншектері бір-бірімен тәжірибе алмасып, салт-дәстүр мен ғұрыпты, ұмыт болып бара жатқан құндылықтарды дәріптеді.
Байқау барысында «Қазақ қыздарының әшекейлері» суретшілер көрмесі, үйірме қатысушыларының концерттік бағдарламасы көрермендер назарына ұсынылды.
Жалпы саны 8 қатысушы «Көркіңнен сенің айналдым, еркем» «Өнерлінің өрісі кең» кезеңдері бойынша бақ сынасты.
Байқау жеңімпаздары мен жүлдегерлері арнайы дипломмен және алғыс хатпен марапатталып, бағалы сыйлықтар табысталды.